小弟第一次日本之旅終於起程啦......!~!
趁我重記得,不如講番下幾時決定要去~~因為好似都幾草率~
好似係因為某次食飯促成既....同米柏+今次同行既朋友食飯,
我同朋友都討論緊今次去唔去合照會
之後米柏唔知幾時講左句:A~咁你地一齊去咪得囉
就係咁開始左今次既旅程嗱~~
而由於我地今次太遲買機票,所以唯有搭依個國泰~~
冇上網攪個預登機手續,so 就早左兩個鐘去機場等
由於搭零晨機,一落機已經係朝早(廢話x)
可惜有D 雨~
落到機,買西瓜卡同攪清楚要搭咩車攪左一段時間(果時好似6點幾)
本來諗住先去橫濱住果邊放低行李先,預計係9點到橫濱
因為搭唔到班車所以直接落左築地JOIN,南瓜,蛇仔,米布佢地
(約左10點築地見)
之後先再講下今次行程既安排~~
去到築地市場(有時真係覺得日本D車站好煩,差一個字就差好多)
不過之後用乘換案內個app就好好多
出到地鐵站,係站度都搵唔到有locker用(全部full哂)
好彩去到築地外場果頭比我見到有個位有coin locker......
(本身想去食壽司大,不過我未到築地已截龍~~thx 南瓜佢地早到去左等位)
之後去左排鮨國
排左幾個字左右(+等埋某訓晏左既蛇)就入去
其實我個人本身就所咩都OK既,為左嘗試下多D唔同既味道~
我就揀左個好似好多嘢食既~~~海鮮丼，3000yen~~
唔知點解我張相,影出黎會黃左= =明明之前都冇問題
而咁岩我又同某蛇仔點左同一個所以就係佢度偷一偷圖=v=
好嗱~~之後既嘢去睇kaleis個blog-v-我係想咁打,因為懶得打字(笑)
築地市場果然係叫咩食都係咁OK......D海鮮真係好新鮮,好甜
而且係唔需要點豉油-v-
3000yen係有少少貴(不過對比起我之後食既某一餐我又覺得係ok既)
下一站係.......秋葉原(好好彩已經冇雨)
之後去左機鋪玩+夾公仔=w=
(影完先發現,原來係唔比影相)
之後南瓜佢地可以checkin-v-咁就擺左D行李去佢地度先......因為車站附近D locker完全冇位
(我下次都要住秋葉原呀,,,,,,,)
跟手去一去AKB cafe =v=
果日都幾多人,等左半個鐘左右先有得入
唔係好餓,就點左個柏木既甜品
杯薦抽到梅田xx(唔記得)
同小珠預先合照一張~~=v=
咁岩19號黑鷹生日(好似係)
行左一輪生寫鋪(蛇仔話去睇LL嘢)
又去左玩夾公仔-v-
見到佢幾得意就夾左- -v
夾完先諗起屋企冇咩位擺~~
自從夾到隻貓之後好似開始識玩依個game=v=
隔離依部有人玩左陣,放棄左,之後我就去左執雞
玩左500yen都唔洗就成功左~~
又係夾完先醒起.......其實我冇睇過依套嘢= =
玩到9點零......重未食飯.....南瓜車就帶左我地去食璣丸水產
都叫左幾多嘢食-v-
有蟹蓋
章魚(?)
3種貝類~扇貝,螺,重有.......唔記得....
5個人,計埋野飲(另外重叫左烏冬)
除開食左都冇2千yen~~幾抵
(不過因為我同個fd驚趕終電,所以食到11點左右就埋單走左人)
去到酒店已經係一點半.........好彩第二日plan左係橫濱玩,又唔洗早起身.....
落樓下lawson買左兩個飯團食就算(因為之前璣丸有個炒飯漏左單....)
(之後睇番check out時間先發現.....last check in係 0200 am 差D就懶嘢...)
