講番少少,第一日之前DL既搭車APP唔係好岩用,之後DL番乘換案內就好好多~
今次既行程,係會轉兩次酒店~~~橫濱>池袋>橫濱 咁
主要係因為有合照會同TAKA con~(fd諗住早D去排goods)
嘛~~雖然最後發現con果幾日轉酒店係覺得冇咩需要,因為橫濱都一日去哂想去既地方)
不過當體驗下啦~
第二日訓到9點10點先起身,
不過今日係橫濱一日游~~要去果幾個地方都近近地,冇咩所謂啦
去日本之前上網搵過下資料就plan左day 2行程:山下公園>中華街>紅磚倉庫>杯麵館>拉麵館
(本身plan果陣有諗住去睇埋日本丸,不過之後唔記得左去lol)
酒店附近~~
由於想探定路for合照會and con所以決定同朋友係關內站>中華街>山下公園(本身)
所以今日係行路多
出左關內站,經過橫濱公園就見到橫濱stadium(即係之後con既地方)
沿途都幾靚,不過冇影
行左一段路就見到中華街~~
中華街比我最大印象就係........好多間王府井,數埋見過起碼5,6間= =
同埋好多鋪頭都有賣小籠包,炒栗子,依兩個簡直係中華街孖寶~~
重有間童心點心麵館,有賣朱古力味點心麵~~(橫濱限定)
我極力煽動個fd去買=v=不過條友冇so我
由於間間賣小籠包既都排哂長龍,所以就賣左生煎包~~是日早餐-v-包入面都幾多肉汁/湯汁下
好快手就行完中華街~~
由於好似唔係幾夠時間,加上我同個fd都唔係好睇景既,所以就skip鬼左山下公園
2)象鼻公園
隨便咁影
3)紅磚倉庫
行左一陣~好快就到左紅磚倉庫~~
離遠已經見到幾多人下,之前聽蛇仔講過,依幾日有女子拉麵展~~
果時大既就2,3點正好肚餓就去左食下拉麵~~
要食拉麵呢,就首先要排隊買飛~盛惠900yen(一杯)
雖然都幾多人排,不過由於有6,7條隊分流咁,唔洗排左好耐就買到
由於我想食果間就期間限定(已過),所以就揀左依個芝士拉麵
食頭果一半麵加埋芝士味係幾香濃既..........不過食到一半左右,開始覺得有D滯~~
嘛~~最後都完食
食完之後入左去紅磚倉庫改建既商場度行~~~中古風+現代風既感覺幾好~
全景mode@紅磚倉庫
4)cup noodles museum
行到cup noodles museum,已經就黎5點.....雖然6點就關門,不過照入去參觀~盛惠500yen
基本上有5層~第一層係賣goods,另外有各個展廳,最高一層係餐廳~
我就上左2樓參觀先~
第一個杯麵and出丁......原來都唔算出現左好耐@o@
3樓海景位-v-日落lu~幾靚
其他展品
應該係重現番當年既場景(?)(伸脷唔識日文)
小黃雞@一樓
-3-有D可惜,太遲去到冇得整自己既杯麵~~
出左cup noodles museum之後,行前少少~應該就會見到依個遊樂場......唔係好大~@@
跟住再直行就係day 3既合照會場啦~
(之後睇番地圖先知日本丸係依度-v-不過我已經唔記得左要去)
見到會場之後,就轉左手邊搭地鐵去左拉麵館
5)拉麵館
唔知係咪我出錯左地鐵出口.......都行左一陣先到拉麵館,而且重要係D住宅區度兜.....攪到差D以為自己行錯路~~最後証明我係冇錯~=v=
離遠就見到依舊嘢......郁下郁下咁........唔知點解笑點低左....(依個係走果時影....8點幾)
拉麵館有3層.....G/F,B1,B2
首先講下G/F先......唔知點解.....會有條跑道= =
哈,不過除左依樣,重有介紹D拉麵工具~~~
另外重有一堆賣拉麵既相關食物
睇完就落地庫~~
其實都係B1,B2幾有趣既懷舊街道~同埋拉麵屋~
B2有個人係度表現魔術......氣氛都幾熱鬧~~
由於lunch食左拉麵.....所以就決定返左去酒店果邊食
不過行左一陣bookoff之後都成9點幾....去左去食居酒屋....
on居左....點第二轉嘢食先醒起....買果本旅遊書有寫D串燒日文既翻譯
所以唔係好知自己食左D咩.....嘛....有D都知既....有漢字果D....
食完就返酒店休息....準備第二日既合照會.......做咩post ar咁......(講咩都大概諗好左~)
最後想講..............作為香港人...中華街真係冇咩好睇........得個食
入面我諗我見到既9成都係日本人.....
-v-我唔係好建議去....我都係因為住依邊....近近地先去.....
