開學後兩星期~~~

開學後大約兩星期了~~~

開始習慣學校既工作....

大至上都唔錯,工作唔係幾忙,同事同我上司又幾好人咁~

不過呢~~~有兩樣嘢係唔係幾好既......

第一樣係.....校長話唔比文職人員著牛仔褲,Legging等.....-  v  -

大家同事其實一早收到風,校長係唔鍾意人地著牛仔褲....

事因係~~有某同事係開學前既某講座度著左一次好普通既牛仔褲....而咁就比校長點相

據可靠情報指~~係活動完左之後校長就搵人黎問,校長:果日著牛仔褲個同事叫咩名?
(依個係新校長,岩岩新鮮熱辣同我差唔多時間入去做既)

大家覺得~因為個活動係有家長出席,所以校長應該係因為咁而覺得唔好...咁好正路

之後佢就係文職人員"會議"果度,正式提左出黎拉~~   -    -好老實講,所謂"會議"跟本就係有佢講冇人講.....

佢既理由係話,要比個好形象出黎,學生先會專重你.......搬左一推理由出黎咁啦......跟本就係想做個樣比D家長睇

咁經過大家一輪既抗爭~~佢話可以著好普通既牛仔褲.....

如是者我就著左一排牛仔褲~~到左前日,我阿head同我講話,校長唔like我著牛仔褲

話我條牛仔褲太特別-   -...........其實我阿head都話覺得我條褲好正路所以都冇出聲,不過校長叫到就冇法....

咁我就覺得我條牛仔褲其實都好正路,冇穿,冇破爛,冇洗水,單色,又唔係大浪,得幾條貓鬚-   -咁都可以話特別,我真係要寫個服字比佢....

真係血都嘔幾兩.....

第二樣係....大假既嘢

因為其實學校得我一個係負責攪電腦方面既嘢,所以佢就同我講話,要配合番學校既日子先可以攞假...

要盡量係冇學生既日子攞,不過依方面都尚算可以理解既......所以依樣都冇咩問題~~


其實著唔著牛仔褲唔係重點,我最唔滿意係佢扮咩大方,開咩會ja =   = 直接出通告話唔比人著牛仔褲咪得lo....

好唔鍾意D大人依D位....明明就冇得傾~~重要話攤出黎講,到頭黎自己講一句就大Q哂~~

同埋唔鍾意佢以貌取人依一點,我諗佢見到我以前做間機構既社工,嚇死佢都似.....

又金毛,又有紋身,又好潮咁......不過佢地人品好過好多果D所謂衣著正式既正常人囉~

 

好了~~

哈哈~發完牢騷~~以上

P.S.竟然冇人吐糟上個blog既橫山,睇黎我太失策了-v-






最後自然係國際慣例